Baıqaýǵa 1-11 synyp oqýshylar qatysa alady
Almatyda halyqaralyq balalardy qorǵaý kúnine oraı «Kitap -bilim bulaǵy» atty qalalyq jarys ótip jatyr, dep habarlaıdy Almaty-akshamy.kz Almaty.tv-ge silteme jasap.
Onda oqýshylar úsh baǵyt, ıaǵnı teatrlandyrylǵan qoıylym qoıý, kadrda oqý, poetıkalyq battl boıynsha baq synasady. Máselen, teatr baǵytynda bastaýysh synyp oqýshylary ertegilerdi sahnalaıdy. Basty talapqa saı qoıylym balalarǵa jaqsy oı salatyn, taǵylymy mol bolýy kerek.
«İs-sharany ótkizýdegi basty maqsat – balalardyń bos ýaqytyn tıimdi paıdalanýdy úıretip, olardyń kitap oqýǵa degen yntasyn oıatý. Baıqaýǵa 1-11 synyp oqýshylar qatysa alady. Baıqaý mektepishilik, aýdandyq jáne qalalyq úsh kezeńnen turady», – dedi №129 JBB mektep dırektorynyń orynbasary Sýrıa Daýtova.