Almaty qalasyndaǵy hımıa-bıologıa baǵytyndaǵy Zıatkerlik mektebi «Týǵan elge taǵzym» jazǵy ólketaný-zertteýlik ekspedısıasy barysymen İle Alataý ońiriniń kórnekti nysandaryna joryqqa shyqty.
Bir aptaǵa sozylatyn bereri mol ekspedısıaǵa joldamany mekteptiń úzdik oqýshylary utyp aldy, dep habarlaıdy Almaty-akshamy.kz.
On jyldan astam ýaqyt jalǵasyp, dástúrge aınalǵan «Týǵan elge taǵzym» ólketaný jáne ǵylymı-zertteý ekspedısıasy – oqýshylardyń akademıalyq jáne ǵylymı jobalyq is-áreketterin biriktirýdi júzege asyrýǵa arnalǵan biregeı eksperımentaldy alań. Almatylyq zıatkerler ekspedısıanyń barysynda óńirdiń kórnekti jerlerin aralap qana qoımaı, ǵylymı jobalar portfolıolaryn qundy aqparattarmen, zertteýlermen tolyqtyrady.
Túrgen shatqalynyń áıgili Aıýly sarqyramasy oqýshylardy jańa ǵylymı jobalarǵa shabyttandyryp, jańa ıdeıalar týyndady.
«Sarqyramaǵa barar joldyń jaǵdaıyna qarap, “Ekotýrızm” taqyrybynda mobıldik qosymshany ázirleý oı keldi. Iaǵnı, ǵylymı jobamyzdyń maqsaty - Qazaqstandaǵy ekotýrızmdi damytý joldaryn qarastyrý bolyp tabylady», – dep áńgimeledi 9-synyp oqýshysy Qosan Arlan.
«Biz Túrgen shatqalynda ornalasqan Aıýly sarqyramaǵa bardyq. Kórgenimiz boıynsha, jol óte jaman, uzaq ári qıyn. Ókinishke oraı osyndaı joldar arqyly qozǵalý jasy úlken ne múmkindikteri shekteýli jandarǵa qıyndyq týyndatady. Bizdiń top osy týraly oılanyp, onlaın-ekskýrsıalardy jasaý sheshimge keldi. Osy arqyly adam VR-kózildirikter kıip, ózin sol jerdegideı sezine alady. Bul ǵalamtordan sýretterdi qaraǵannan álde qaıda qyzyǵyraq. Jobamyz shekteýleri bar adamdarǵa kómektesip, týrızmdi arttyrady»,- dep bólisti 9-synyp oqýshysy Bazarbaı Arslan.
«Jobamyzdy iske asyrý úshin, kerekti jerge baryp, barlyq aımaqty 360⁰ jasap túsirý, jáne ony arnaıy baǵdarlamaǵa salyp VR-kózildirikter úshin qoldanysqa jaramdy sýretterdi shyǵaryp, onlaın ekskýrsıaǵa daıarlaý kerek. Ony ári qaraı damytý úshin, saıt jasaýdy kózdep otyrmyz»,- dep tolyqtyrdy zıatker.
Jylda Nazarbaev Zıatkerlik mektepterinde jazdyq joryqqa shyǵatyn ekspedısıanyń izimen oqýshylar shamamen jıyrmaǵa jýyq jańa jobalardy bastap, zertteý júrgizip, sol jumystarymen respýblıkalyq deńgeıde túrli ǵylymı jobalar baıqaýyna qatysyp áleýmettik, tehnıka, ınovasıa salasynda jańalyqtar ashýda.
