Shymkentte týberkýlezge shaldyqqan muǵalim oqýshylarǵa sabaq bergen
Shymkentte týberkýlezge shaldyqqan muǵalim oqýshylarǵa sabaq bergen. Bul týraly Almaty-akshamy.kz Shymkent qalalyq bilim basqarmasyna silteme jasap habarlaıdy.
Shymkent qalasyndaǵy №33 jalpy orta bilim beretin mekteptiń bastaýysh synyp muǵalimi dıspanserge jatqyzyldy.
Sáýirdiń 7-si kúni keshkisin ózin jaısyz sezinip, "jedel járdem" shaqyrǵan muǵalim qalalyq týberkýlezge qarsy dıspanserge jetkizilgen. Alynǵan analızder qorytyndysy boıynsha jeksenbi kúni týberkýlez derti anyqtalǵan.
«Bıyl 16 naýryz kúni muǵalim flúorografıadan ótken. Nátıjesinde, «hronıcheskıı bronhıt» degen dıagnoz qoıylǵan. Muǵalim mektepte talyp qulady degen sóz – jalǵan. Mektep basshylyǵy tarapynan 10 sáýir kúni zalalsyzdandyrý jumysy, al 11 sáýir kúni SES qyzmetkerleri dızenfeksıa júrgizdi», – delingen Shymkent qalalyq bilim basqarmasy taratqan resmı habarlamada.
Mamandar oqýshylar úshin qaýip joq ekenin aıtty. Alaıda, oqýshylardan mantý synamasyn alý bastaldy.