Oqý-jattyǵý kezinde shekteýler qoıylady
14 sáýir kúni Almatynyń Bostandyq aýdanynda ornalasqan «MEGA» saýda oıyn-saýyq ortalyǵynda josparly antıterrorlyq oqý-jattyǵý ótedi, dep habarlaıdy Almaty-akshamy.kz.
Terorızmge qarsy kúres boıynsha qalalyq jedel shtabtyń málimetinshe, oqý-jattyǵýdyń maqsaty – adam kóp shoǵyrlanǵan jerlerde lańkestik qaýip tóngen jaǵdaıda ózara árekettesý daǵdylaryn damytý.
«Oqý-jattyǵý mindetteri terorızmge osal obektilerde lańkestik aktiniń jolyn kesý mehanızmin jetildirýge baǵyttalǵan. Sonymen qatar, oqý-jattyǵý kezinde shekteýler qoıylatynyn habarlaımyz. Osyǵan baılanysty azamattardy ótkizgeli jatqan is-sharalarǵa túsinistikpen qaraýǵa, qaýipsizdik sharalaryn saqtaýǵa jáne oqý-jattyǵýǵa qatysqan memlekettik qyzmetkerlerdiń zańdy talaptaryn saqtaýǵa shaqyramyz», - dep habarlady jedel shtabta.
Sondaı-aq shtabta «Ákimshilik quqyq buzýshylyq týraly» QR Kodeksiniń 443-babyna sáıkes, qoǵamdyq tártipti qamtamasyz etýge qatysýshy tulǵanyń zańdy talabyna baǵynbaý ákimshilik jaýapkershilikke ákep soǵatynyn eskertti.