Qazaqstandaǵy balalarǵa medısınalyq kómektiń sapasyn jaqsartý jónindegi keshendi sharalar 2024 jyly náreste óliminiń kórsetkishin 8,3%-ǵa tómendetýge múmkindik berdi, dep habarlaıdy aqshamnews.kz.
Al neonataldyq ólimniń deńgeıi 19%-ǵa tómendedi, dep atap ótti Densaýlyq saqtaý mınıstri Aqmaral Álnazarova vedomstvo alqasynyń keńeıtilgen otyrysynda.
«Alǵash ret neonataldyq kómekti uıymdastyrý standarty ázirlenip, bekitildi, reanımasıa bólimshelerinde meıirgerdiń jańa týǵan nárestege 1-den 1-ge deıingi araqatynasy qaǵıdaty belgilendi. Perınataldyq ortalyqtardyń bazasynda neonataldyq hırýrgıany damytý jalǵasýda, orta eseppen jyl saıyn týa bitken kemistigi bar 1500 jańa týǵan náreste jedel em alady», - dedi A.Álnazarova.
Bala ólimi qurylymynda birinshi oryn alatyn týa bitken damý kemistikterin azaıtý maqsatynda elimizdiń 13 óńirinde 15 «Bir kúndik klınıka» quryldy, onda 50 myń júkti áıel zerttep-qaraýdan ótti.
Nátıjesinde týa bitken aqaýlardyń erte anyqtalýy 10%-ǵa ósti. Alǵash ret uryqtyń patologıasyn az ınvazıvti ádisterdi qoldana otyryp, jatyrishilik emdeý úshin «Fetaldyq medısına» engizildi.
«Joǵaryda atalǵan is-sharalardyń barlyǵy 2024 jyldyń qorytyndysy boıynsha sábılerdiń ómir súrý deńgeıin 88%-dan 93%-ǵa deıin arttyrýǵa jáne TDK-den sábıler ólimin 15%-ǵa tómendetýge múmkindik berdi. Jyl sońyna deıin barlyq óńirlerde bir kúndik emhanalar qurýdy aıaqtaý qajet», - dep atap ótti vedomstvo basshysy óńirlik alqa qatysýshylaryna arnaǵan sózinde.