Treds jelisi búginde qoǵamda belsendi platformaǵa aınaldy. Onda elimizde bolyp jatqan keıingi jańalyqtardyń birshama legi jıi talqylanyp jatady. Sonymen ótken aptada el aýzynda ne aıtyldy? Aqshamnews.kz tilshisi jınaqtap kórdi.
600 myń teńgelik torttyń jyry
Kondıter Nurshat Aqbergenova 18 keli merekelik tortqa 440 myń teńge shyǵyndalyp, eńbekaqy ala almaǵanyn aıtyp Tredste shaǵymyn jazdy. Onyń sózinshe, tapsyrys berýshi - bloger Áselına Batyr tortty alyp ketkenimen bir apta ótse de, tólem jasamaǵan jáne keıin áleýmettik jelide ony buǵattap tastaǵan.
Al Áselına óz kezeginde 100 myń teńgesin tólegenin, biraq torttyń baǵasy aldyn ala kelisilmegenin, keıin 600 myń teńge kólemindegi shot kelgenin alǵa tartyp, muny durys emes dep baǵalady. Qazir eki tarap áleýmettik jelide óz ustanymdaryn jarıalap, qoǵamda qyzý talqylanyp jatyr. Keıin kondıter blogerdi sotqa berdi.
Farıza Tóreáli jurtqa nege jaqpaı qaldy?
Belgili ánshi Tóreǵalıdiń qaryndasy, bloger Farıza Tóreáli avtorlyq kitabyn shyǵaramyn dep basy daýǵa qaldy. Máseleniń bári kitaptyń baǵasyna kelip tireldi. Ol óziniń eńbegin 10 myń teńgeden saýdalady. Al jurt onyń bul sheshimine kelispeı, "kitap úshin tym qymbat baǵa" dep, jerden alyp, jerge saldy. Tipti keıbiri kórkem ádebı shyǵarmalarmen salystyryp, baǵasynyń odan qymbbattyǵyn aıtyp, synap tastady.
Sondaı-aq blogerdiń bilim deńgeıi men tájirıbesin sóz etkender, “Farıza kitap jazatyndaı arnaıy bilimi joq, mektepten keıin birden turmys qurdy, bakalavr da bitirmedi, Amerıkada júrgende de tek brendterdi nasıhattady” dep aıyptap, kitap jazýyn orynsyz dep sanady.
"Qaırattaı uldyń anasy" baılyqtyń ıisin satyp jatyr
Qaırat Nurtastyń anasy, prodúser Gúlzıra Aıdarbekova jeke bıznesin bastap, shash kútimine arnalǵan sýsabyn shyǵaratynyn jarıalady. Ol buryn qoldanyp júrgen ónimderdiń kóńilinen shyqpaǵanyn aıtyp, jańa sýsabyndy Qazaqstandaǵy “№1 ónim” dep tanystyrdy. Óz sózinde bul taýarǵa óziniń energıasy men “baılyqtyń ıisin” sińdirgenin, Qaırat Nurtas sıaqty uldy dúnıege ákelgen altyn qursaqty ananyń eńbegimen baılanystyryp, joǵary qundylyqqa ıe ekenin erekshe atap ótti.
Alaıda jurt onyń sýsabyndy osylaı dáriptep, artyq jarnamalaýyn jaqtyrmaı qaldy. Aıdarbekovanyń bul áreketi Tredste túrlishe ázilge aınalyp, eldiń synyna qaldy.
Ańdamaı sóılegen Aısultan
Tanymal senarıst Aısultan Qalıevtiń de basy daýǵa qaldy. Ol Tredste "zınany toqtatpasaq, erteń onnan toǵyzy DSP týady. Sodan bilim de joq, densaýlyq ta joq, ásker de joq, boq ta joq" dep jazyp, erekshe balalardyń ata-anasynyń shamyna tıdi.
Keıin ol aıtqan pikirin tárjimalaýǵa tyrysqanymen, Roza koých syndy belsendi blogerler de onyń oıymen kelispeıtinin aıtyp, tipti keıbiri sotqa beretinderin jazdy.
