Almatyda Qazaqstan Respublıkasynyń Sport kúníne arnalǵan sport festıvalí ótíp jatyr.
Ortalyq stadıonda Sport kúníne arnalǵan auqymdy ís-shara ūıymdastyryldy. Festıvalge qatysqan Almaty ákímíníń orynbasary Azamat Qaldybekov jınalǵan halyqty sport merekesímen qūttyqtady.
- Almaty ákímíníń ystyq yqylasyn jetkíze otyryp, sízderdí sport kúnímen qūttyqtaımyn. Būl - densaulyq, shydamdylyq jáne sergektíktíń merekesí. Halyq danalyǵynda “tání saudyń - jany sau” dep beker aıtylmaǵan. Sportpen shūǵyldanu adamnyń tánín ǵana emes, ruhyn da shynyqtyrady. Erík-jíger, tabandylyq syndy qasıetterdí qalyptastyrady. Osy qaǵıdany berík ūstanǵan memleketímíz báseke qabílettí, dení sau ūrpaq ósíru úshín barlyq múmkíndíkterdí jasauda. Būl oraıda elímízdíń írí sport ortalyǵyna aınalǵan Almaty qalasynyń múmkínshílígí mol, - dedí Azamat Qaldybekov.
Festıvaldíń bas sahnasynda vedomstvolyq marapattarmen jáne Almaty ákímíníń Alǵys hatymen elímízde sporttyń damuyna úles qosqan jattyqtyrushylar, sport mektepterí men ūıymdarynyń qyzmetkerlerí, sondaı-aq sportshylar marapattaldy.
Al stadıon aınalasy ártúrlí sport túrleríníń aımaqtaryna bólíndí. Onda jas sportshylar baq synady.
Atap aıtqanda: jeńíl atletıka boıynsha balalar qashyqtyqqa júgírse, ekstremaldy atletıkadan kedergíler arqyly júgíríp jarysty. Odan bólek ashyq aspan astynda jaıylǵan boz kílemde paluandar qazaq kúresí, sondaı-aq grek-rım men erkín kúresten ózara kúshtíní anyqtady. Sonymen qatar bír aımaqta nıet bíldírgen adamdar shahmat pen toǵyzqūmalaq oınap jatsa, stadıonnyń kelesí bólígínde komandalyq jarystar: basketbol 3h3, fıdjıtal futboldan turnır ūıymdastyryldy. Karate men taekvondodan ótken jalyndy jekpe-jekter de jınalǵan jūrtshylyqtyń nazaryna ílíktí. Úlken tennıs aımaǵyndaǵy tartysty oıyndar da kópshílíkke ūnaǵany sózsíz.
Qalanyń qaq ortasyndaǵy sport festıvalíne 2016 jylǵy Olımpıada chempıony, Su sporty túrlerí federatsıyasynyń bas hatshysy Dmıtrıı Balandın de qatysty. Ol mūndaı ís-sharalar óskeleń ūrpaqty salauatty ómír saltyna baulyp, būqaralyq sportty damytu úshín mańyzdy ekenín atap óttí.
- Sport kúní - būl atauly datalardyń bírí. Ortalyq stadıon aınalasynda osyndaı sport alańdarynyń jasalǵany óte jaqsy boldy. Mūnda tūrǵyndar balalaryn ertíp kelíp, kíshkentaı búldírshínder ózíne ūnaıtyn saıysqa qatysuda. Sol arqyly balalarymyzdyń sportqa degen qyzyǵushylyǵy men mahabbaty oyanady. Bolashaqta olar belgílí bír sport túrímen kásíbı túrde aınalysyp, elímízge talaı júldelerdí ákeluí múmkín, - dedí ol.
Sonymen qatar Rıo Olımpıadasynyń chempıony ózíníń kásíbı sportqa qalaı kelgenín esíne aldy.
- Bala kezímde men júzíp úırenu úshín sportpen aınalysa bastadym. Sóıtíp júríp kásíbı túrde qalaı aınalysyp ketkenímdí baıqamaı qaldym. Al qazír sport ómírímníń ajyramas bólígí. Meníń aıtarym - sport kásíp emes, ol adamnyń ómír salty. Men qazír kásíbı atlet bolmasam da, sport meníń jáne otbasymnyń ómíríníń árdaıym mańyzdy oryn alady, - dedí Dmıtrıı Balandın.
Aıta keteıík, festıval aımaǵyna kíru barlyq qala tūrǵyndary men qala qonaqtary úshín ashyq árí tegín.