AQSH-tyń jańadan saılanǵan prezıdenti Donald Tramp beısenbi kúni Reseı prezıdenti Vladımır Pýtınmen telefon arqyly sóılesip, Ýkraınadaǵy soǵys jaǵdaıyn talqylady.BBC NEWS Washington Post basylymyna silteme jasap, Tramptyń Pýtınge qońyraý shalǵanyn jáne Reseı basshysynan Ýkraınadaǵy jaǵdaıdy ýshyqtyrmaýyn suraǵanyn habarlady.
Bul áńgimeni resmı túrde rastaıtyn pikirler áli jarıalanbaǵan, al BBC NEWS te óz betinshe bul aqparatty rastaı almaǵan.
Washington Post-tyń málimetinshe, Donald Tramp 7 qarasha kúni Florıdadaǵy rezıdensıasynan Vladımır Pýtınge qońyraý shalyp, Eýropa qurlyǵyndaǵy beıbitshilik ornatý týraly sóılesken. Tramp, sondaı-aq, Ýkraınadaǵy urystardy múmkindiginshe tezirek aıaqtaýdy talqylaýǵa qyzyǵýshylyq bildirip, Reseı prezıdentine AQSH-tyń Eýropadaǵy áskerı kúshteriniń edáýir mólsherde ornalasqanyn eskerte otyryp, jaǵdaıdy shıelenistirmeýge keńes bergen.
Washington Post jazǵandaı, Kıev Tramptyń Pýtınmen sóıleskeni týraly aldyn ala habardar bolǵan jáne oǵan qarsylyq bildirmegen.
Alaıda, Ýkraına Syrtqy ister mınıstrligi bul aqparatty joqqa shyǵaryp otyr.
"Ýkraın tarapy Tramptyń boljamdy qońyraýy týraly aldyn ala aqparat berildi degen málimet shyndyqqa janaspaıdy. Osyǵan oraı, Ýkraına mundaı qońyraýdy qoldaı da, oǵan qarsy da bola almaıdy," – dep málimdedi Ýkraına SİM ókili Georgıı Tıhıı, dep habarlaıdy BBC NEWS.