Jeksenbi kúni AQSH prezıdenttigine úmitker Donald Tramp McDonald’s meıramhanasyna jumys isteýge bardy, dep habarlaıdy aqshamnews.kz
Tramptyń maqsaty qarsylasy Kamala Harrıske tıisý bolatyn. Harrıs shtabynyń málimetinshe, Kamala 1983 jyldyń jazynda Kalıfornıa shtatyndaǵy Alameda qalasyndaǵy McDonald’s meıramhanasynda jumys istegen. Sol kezde Harrıs Govard ýnıversıtetiniń stýdenti bolyp, kasır qyzmetin atqarǵan, frı kartobyn jáne balmuzdaq satqan.
Tramp osy jumys jaıly pikirin aıtyp ótti: «Kamala Harrıstiń McDonald’s-taǵy jumysyn mańyzdy tájirıbe dep kórsetýi kúlkili. Biraq bul jumys qanshalyqty qıyn boldy? Ol frı kartobyn daıyndap, ony qýyrý qıyn deıdi», – dep, Tramp Pensılvanıa shtatyndaǵy Fıstervılldegi McDonald’s meıramhanasynda málimdedi.
Fartýk pen qyzyl galstýk taqqan Tramp, jeksenbi kúni McDonald’s-ta kasada jumys isteı otyryp, qarsylasyna qyjyrtpa sózder aıtýmen boldy.
Bul jaǵdaı Pensılvanıa shtatyndaǵy Feasterville-Trevose qalasyndaǵy tez tamaqtaný meıramhanasyna úlken topty jınady.