AQSH-tyń eks-prezıdenti Donald Tramp 29 qańtarda Gýantanamo áskerı bazasyn 30 myń mıgrantty ornalastyrýǵa daıyndaý týraly memorandýmǵa qol qoıdy, dep habarlaıdy aqshamnews.kz CNN silteme jasap.
Málimetterge sáıkes, Gýantanamoda azaptaý oqıǵalarymen aty shyqqan túrme emes, burynnan bar mıgranttardy ustaý ortalyǵy keńeıtiledi.
– «Biz tek bar ortalyqtardy úlkeıtemiz», – dedi Tramp ákimshiliginiń shekara qaýipsizdigi jónindegi kýratory Tom Homan.
Qazirgi ýaqytta atalǵan 30 myń mıgranttyń ishinde qazaqstandyqtardyń bar-joǵy belgisiz.
Gýantanamo – AQSH-tyń Kýba aýmaǵynda ornalasqan áskerı-teńiz bazasy. Vashıngton bul jerdi 1903 jyldan beri jalǵa alyp keledi, al Kýba bıligi onyń jabylýyn talap etýde.
Kýba prezıdenti Mıgel Dıas-Kanel bul sheshimdi qatań synǵa alyp:
– «AQSH úkimeti ózderiniń zańsyz ıelengen aýmaǵyna myńdaǵan mıgrantty kúshtep kóshirý arqyly qatygezdik tanytýda», – dep málimdedi.
Aıta keteıik, AQSH-taǵy qatańdatylǵan mıgrasıalyq saıasat týraly Qazaqstan azamattaryn osy aptada Qazaqstannyń Vashıngtondaǵy elshiligi eskertken bolatyn.