Astanada Qazaqstan Premer-mınıstri Oljas Bektenov pen Reseı Úkimetiniń tóraǵasy Mıhaıl Mıshýstın ekijaqty kelissózder ótkizdi, dep habarlaıdy aqshamnews.kz
Kezdesý barysynda memleket basshylary Qasym-Jomart Toqaev pen Vladımır Pýtınniń kelisimderin júzege asyrý, eki el arasyndaǵy saýda aınalymyn arttyrý jáne ekonomıkalyq yntymaqtastyqty keńeıtý máseleleri talqylandy.
Taraptar ónerkásip, aýyl sharýashylyǵy, energetıka, kólik jáne mádenı-gýmanıtarlyq baılanystardy damytýǵa basa nazar aýdardy.
Negizgi kórsetkishter:
✅ Qazaqstan men Reseı arasyndaǵy taýar aınalymy 2023 jyldyń 11 aıynda $24,2 mlrd qurady, aldaǵy maqsat – $30 mlrd-qa jetkizý.
✅ Aýyl sharýashylyǵy ónimderiniń saýdasy 2024 jyldyń 10 aıynda $3,2 mlrd-tan asyp, 5%-ǵa ósti.
✅ $18,6 mlrd-qa 99 ónerkásiptik joba júzege asyryldy, jańa birlesken jobalardy damytý josparlanýda.
✅ Kólik-logıstıkalyq júıe nyǵaıtylyp, jańa sý jáne temirjol baǵyttary ashylady.
Oljas Bektenov:
"Ekijaqty qarym-qatynas sapaly jańa deńgeıge kóterildi. Qazaqstan Úkimeti barlyq salada seriktestikti damytýǵa daıyn."
Mıhaıl Mıshýstın:
"Qazaqstan – bizdiń strategıalyq seriktesimiz. Basty mindet – memleket basshylarynyń kelisimderin tolyq oryndaý."
Kelissózder nátıjesinde taraptar strategıalyq áriptestikti odan ári nyǵaıtý týraly ýaǵdalasty.