Mınıstrlik dárihanalarǵa eskertý jasady.
Jyl basynan beri "Tramadoldy" zańsyz saqtaǵany úshin úsh adam qamaýǵa alyndy,dep habarlaıdy aqshamnews.kz
İshki ister mınıstrligi dárihanalar men farmasevtıkalyq kompanıalarǵa "Tramadoldy" reseptsiz satqany úshin qylmystyq jaza qarastyrylǵanyn eske saldy.
2023 jyly "Tramadol" psıhotroptyq zaty esirtki zattarynyń tizimine engizilgen bolatyn. Qazirgi kezde bul preparat dárigerdiń resepti boıynsha tıisti lısenzıasy bar dárihanalarda ǵana satylady. Al esirtki jáne psıhotroptyq zattardy reseptisiz satý boıynsha únemi jedel-izdestirý is-sharalary ótkiziledi.
Máselen, jyl basynan beri "Tramadoldy" zańsyz saqtaǵany úshin úsh adam qamaýǵa alyndy. Olardan 2500-den astam tabletka tárkilendi.
"Osyǵan baılanysty dárihanalar men farmasevtıkalyq kompanıalardyń basshylaryna qoldanystaǵy zańnama talaptaryn qatań saqtaý qajet ekenin eske salamyz. Medısınada qoldanylatyn psıhotroptyq zattar men esirtkilerdi reseptsiz satý Qylmystyq kodekstiń 297-baby 3-bóligimen qaralyp, "esirtkini zańsyz ótkizý" bolyp sanalatynyn eskertemiz. Ol úshin 10 jyldan 15 jylǵa deıin bas bostandyǵynan aıyrý jazasy qarastyrylǵan", - deıdi esirtki qylmysyna qarsy is-qımyl komıteti basqarmasy bastyǵynyń orynbasary Aıbek Brykov.