Maksımova Vera Innokentevna 40 jyldyq tájirıbesi bar bilikti maman, sý resýrstaryn retteý jáne qorǵaý salasynda 28 jyl jumys isteıdi.
Eńbek jolyn Býrát ASSR Sý sharýashylyǵy mınıstrliginiń Ivolga gıdromelıorasıalyq tehnıkýmynda laborant bolyp bastady, dep habarlaıdy aqshamnews.kz.
S.M.Kırov atyndaǵy Omby aýyl sharýashylyǵy ınstıtýtyndaǵy «gıdromelıorasıa» mamandyǵy boıynsha oqýdy sátti aıaqtap, ınjener-gıdrotehnık biliktiligi berildi.
Býrát ASSR Melıorasıa jáne sý sharýashylyǵy mınıstrliginiń jobalaý tobynyń ınjeneri bolyp eńbek jolyn jalǵastyrdy.
1983 jyly Esil baseındik ınspeksıasyna ınjener bolyp qabyldanyp, jetekshi ınjener, aǵa ınjener jáne Petropavl bóliminiń bastyǵy bolyp qyzmet atqardy.
1999 jyldan bastap 2008 jylǵa deıin Qazaqstan Respýblıkasy Aýyl sharýashylyǵy mınıstrliginiń Sý resýrstary komıteti Esil baseındik sý sharýashylyǵy basqarmasynyń sý resýrstaryn memlekettik esepke alý jáne kadastry monıtorıńi bóliminiń bas mamany bolyp jumys istedi.
Sondaı-aq Vera Innokentevna halyqaralyq jáne memleketaralyq konferensıalar men otyrystarǵa qatysyp, transshekaralyq ózender boıynsha jumys tobynyń quramynda boldy.
Óz jumysynda úzdik nátıje kórsete otyryp, aımaqtyń sý sharýashylyǵynyń damýyna aıtarlyqtaı úles qosqan qyzmetker.
2024 jyly «Sý sharýashylyǵynyń ardageri» belgisimen marapattaldy.