Almaty polısıasy qoǵamda qoǵamdyq tártipke qaýip tóndiretin quqyq buzýshylyqtarǵa múldem tózbeýshilikti qalyptastyrý úshin belsendi jumys júrgizýde. Bul baǵytta jergilikti polısıa qyzmetiniń bólimsheleri birqatar uıymdastyrýshylyq-tájirıbelik sharalardy qabyldady.
«Nóldik tózimdilik» saıasatynyń aıasynda usaq buzaqylyq, tynyshtyqty buzý jáne basqa da usaq quqyq buzýshylyqtarǵa teris reaksıa bildiriledi. Almaty qalalyq PD Jergilikti polısıa qyzmeti Basqarmasy bastyǵynyń orynbasary Aıtan Eleýsizovtiń aıtýynsha, ár azamat qoǵamdyq tynyshtyqty buzbaı, óz mádenıetin kórsetýi tıis. Qazirgi ýaqytta kóshedegi qylmystardyń aldyn alýdyń basty tutqasy — ákimshilik quqyq buzýshylyqtardyń der kezinde jolyn kesý jáne olardyń jasalýyna múldem tózbeýshilik tanytý.
«Usaq quqyq buzýshylyqtardyń aldyn alýda qaladaǵy zańdylyq pen tártiptiń jaı-kúıine beı-jaı qaramaıtyn azamattyq qoǵamdastyqqa erekshe ról berilgenin aıta ketken jón», — dedi Aıtan Eleýsizov.
Sonymen qatar, stýdent jastar arasynda múldem tózbeýshilikti qalyptastyrý jumystary da júrgizilýde. Almatydaǵy jıyrma bir joǵary oqý ornynda stýdenttik quqyq qorǵaý jasaqtary quryldy, bul jastardyń quqyqtyq tártipti saqtaýǵa jaýapkershilikterin arttyryp, qoǵamdyq tártipti saqtaý isinde mańyzdy ról atqarady.
Jergilikti polısıa qyzmeti bıylǵy jyly esebin jarıalaǵan quqyq buzýshylyqtar statısıkasyna sáıkes, Almaty qalasynda kelesi quqyq buzýshylyqtar oryn alǵan:
- Usaq buzaqylyq – 10 415 derek;
- Abattandyrý erejelerin buzý – 23 021 derek;
- Tynyshtyqty buzý – 8 909 derek;
- Kóshede alkogóldik ishimdikterdi ishý jáne qoǵamdyq oryndarǵa mas kúıde kelý – 15 525 derek;
- Qoǵamdyq oryndarda temeki shegý, onyń ishinde kalán shegý – 6 579 derek.
Bul statısıka quqyq buzýshylyqtardyń aldyn alý sharalaryn odan ári kúsheıtý qajettigin kórsetip otyr.