Respýblıka aýmaǵynda birneshe kún boıy órt qaýpi joǵary bolady, dep habarlaıdy aqshamnews.kz
TJM azamattardy órt qaýipti kezeńde qaýipsizdik erejelerin saqtaýǵa shaqyrady.
Qazirgi ýaqytta eldiń birneshe óńirinde ystyq jáne qurǵaq aýa raıy týraly daýyldy eskertýler jarıalandy jáne saqtalady.
TJM táýlik boıy órt jaǵdaıynyń monıtorıńi boıynsha is-sharalar júrgizýde. Orman alqaptary bar óńirlerde áýe kemeleriniń kezekshiligi uıymdastyryldy, ushqyshsyz ushý apparattary jumyldyryldy, órt kúzetteri qoıyldy.
TJM azamattardy dala jáne orman alqaptarynda bolǵan kezde órt qaýipsizdigi erejelerin saqtaýǵa shaqyrady. Sergek bolyńyz jáne qarapaıym qaýipsizdik erejelerin saqtańyz, ot jaqpańyz, qoqys pen qurǵaq shópti órtemeńiz. Balalarǵa ot pen sirińke oıyndarynyń qaýiptiligi týraly túsindirińiz.
Esińizde bolsyn: órt qaýipsizdigi talaptaryn buzǵany úshin ákimshilik jaýapkershilik qarastyrylǵan. Órt anyqtalǵan jaǵdaıda dereý 101 nemese 112 nómirine habarlańyz.