Búgin kórnekti aqyn, qoǵam qaıratkeri, Qazaqstannyń halyq jazýshysy Muhtar Shahanovtyń týǵan kúni.
Ol 1942 jyly Túrkistan oblysynyń Leńgir qalasynda dúnıege kelgen.
Muhtar Shahanov – qazaq ádebıetindegi shynaıy azamattyq poezıanyń ókili, namysty ulttyń únin jetkizgen aqyn, sondaı-aq Jeltoqsan kóterilisin qorǵaýdaǵy erligimen de keńinen tanymal.
Ádebıetke erte aralasyp, alǵashqy óleńderi 1960-jyldary jaryq kóre bastady. Qalamger retinde ulttyq sana, adamgershilik, erkindik, til men dil taǵdyry, rýhanı azattyq sıaqty irgeli taqyryptardy kóterip, óziniń tereń fılosofıalyq oılarymen erekshelendi.
Belgili eńbekteri men shyǵarmalary
«Tórt ana»;
«Otyrar dastany»;
«Jazager jady kosmoformýlasy»;
«Tanakóz»;
«Órkenıettiń adasýy».
Osyndaı shyǵarmalarymen oqyrman jadynda saqtalǵan.
Onyń týyndylary qazaq poezıasyna jańa serpin berip, patrıottyq rýhty, ar-ojdan tazalyǵyn jyrlaýmen erekshelendi.
Qoǵamdyq qyzmeti
Muhtar Shahanov birneshe jyl Qazaqstannyń Qyrǵyzstandaǵy tótenshe jáne ókiletti elshisi, QR Parlamentiniń depýtaty, Til komıtetiniń tóraǵasy, Aral, Balqash, Semeı, Jeltoqsan ekologıalyq jáne tarıhı apat aımaqtaryn qorǵaý komıtetiniń tóraǵasy qyzmetterin atqardy.
Marapattary
Qazaqstannyń halyq jazýshysy;
Qyrǵyz Respýblıkasynyń halyq aqyny;
Túrkıa, Iran, Ózbekstan, Qyrǵyzstan jáne Reseı elderiniń ádebı syılyqtarynyń ıegeri;
Mahtýmquly atyndaǵy halyqaralyq syılyq;
Alash halyqaralyq syılyǵynyń laýreaty.