Qazaqstan Respýblıkasynyń Tótenshe jaǵdaılar mınıstrligi (TJM) tótenshe jaǵdaılardyń aldyn alý jáne joıý júıesin nyǵaıtý maqsatynda 2023-2027 jyldarǵa arnalǵan keshendi josparǵa sáıkes 11 jańa áýe kemesin satyp alýdy josparlap otyr. Bul sharalar QR Premer-Mınıstri Oljas Bektenov qol qoıǵan qaýlyǵa sáıkes júzege asyrylady.
Bul sheshim 2023 jyldyń qańtar aıynda seısmıkalyq qaýipsizdik máseleleri jónindegi keńeste Memleket basshysy Qasym-Jomart Toqaevtyń bergen tapsyrmalaryn oryndaý sheńberinde qabyldandy. Áýe kemelerin satyp alý qarjy lızıńi tetigi arqyly júzege asyrylady, al qajetti 24,8 mıllıard teńge respýblıkalyq búdjetten 2027 jylǵa deıin kezeń-kezeńimen bólinedi.
Jańa avıasıalyq tehnıkanyń TJM materıaldyq-tehnıkalyq bazasyna qosylýy qutqarý operasıalaryn jetý qıyn jerlerde júzege asyrýdy jeńildetedi, sonymen qatar sý tasqyny jáne órt qaýpi bar kezeńderde monıtorıń tıimdiligin arttyrýǵa múmkindik beredi.