Adamdar elde bombadan qorǵaıtyn baspana bar dep oılaıdy.
Qazaqstan Respýblıkasynyń azamattyq qorǵaý salasyndaǵy normatıvtik quqyqtyq aktilerine sáıkes «bombadan qorǵaný» uǵymy joq, bul termınniń ornyna «azamattyq qorǵanystyń qorǵanysh qurylysy» uǵymy qoldanylady, dep habarlaıdy Almaty-akshamy.kz Azamattyq qorǵanys jáne áskerı bólimder komıtetine silteme jasap.
Búgingi kúni qoldanystaǵy zańnamalyq aktilerge sáıkes azamattyq qorǵanystyń qorǵanysh qurylystary tasymaldaýǵa kelmeıtin naýqastardy, sondaı-aq densaýlyq saqtaý mekemelerindegi medısınalyq jáne qyzmet kórsetý personalyn jáne azamattyq qorǵanys sanattaryna jatqyzylǵan uıymdardyń eń kóp jumys aýysymyn qorǵaý úshin kózdelgen.
Sonymen qatar, halyqty qorǵaýdyń birneshe joly bar ekenin atap ótken jón:
- halyqtyń qarapaıym baspanalarda tyǵylýy (jertóle, ǵımarattyń jertóle úı-jaıy, saýda úıleriniń, jeke turǵan tereńdegi qurylystardyń, metropolıtenderdiń jerasty parkıngteri);
- evakýasıalyq is-sharalardy júrgizý (halyqty qalalardan qala syrtyndaǵy aımaqqa shyǵarý).
Halyqty jınaý úshin, ıaǵnı ony odan ári qaýipsiz aımaqqa shyǵarý úshin zardap shekken halyqty jınaý pýnktteri belgilengenin atap ótken jón. Osy jınaý pýnktteri men olarǵa jetý marshrýttarynyń ornalasqan jeri týraly aqparatpen halyq 2GAJ qosymshasynda tanysa alady.