Almatyda jol júrý erejesin óreskel buzǵan kólik korteji ustaldy.
13 qazanda saǵat 02.00 shamasynda jergilikti polısıa qyzmetiniń mamandandyrylǵan batalónynyń patrúldik jasaǵy Dostyq dańǵylynda jol qozǵalysy erejelerin óreskel buzyp kele jatqan kólikterdi baıqady. Sodan quqyq buzýshylardyń jolyna tosqaýyl qoıyldy, dep habarlaıdy Almaty-akshamy.kz Polisia.kz-ke silteme jasap.
Olardyń árqaısysyna qatysty kelesi quqyq buzýshylyqtar boıynsha ákimshilik hattamalar toltyryldy:
BMW M3 kóliginiń júrgizýshisi QR ÁQBtK-niń 596-baby 3-bóligi boıynsha alty aı merzimge kólik quraldaryn basqarý quqyǵynan aıyrylatyn bolady;
QR ÁQBtK-niń 599-baby 1-bóligi boıynsha Hyundai kóliginiń júrgizýshisi 10 AEK kóleminde aıyppul arqalady;
QR ÁQBtK-niń 590-baby 2-bóligi boıynsha Lexus jáne BMW M 4 kóliktiń júrgizýshileri 10 AEK kóleminde aıyppul arqalady.
BMW M 4 kóligi mamandandyrylǵan aıyppul turaǵyna qoıyldy;
QR ÁQBtK-niń 230-baby 2-bóligi boıynsha Mercedes-Benz kóliginiń júrgizýshisi 10 AEK kóleminde aıyppul tóleıdi;
QR ÁQBtK-niń 590-baby 5*bóligi kóliginiń Mercedes-Benz kóliginiń júrgizýshisi 5 AEK kóleminde aıyppul arqalady;
QR ÁQBtK-niń 595-baby 1-bóligi boıynsha BMW M6, Mercedes-Benz E63, Mercedes-Benz AMG63S kólikterdiń júrgizýshilerine 5 AEK kóleminde aıyppul salyndy;
QR ÁQBtK-niń 594-baby 1-bóligi boıynsha Mercedes-Benz E63S kóliginiń júrgizýshisi 3 AEK kóleminde aıyppul arqalady;
QR ÁQBtK-niń 596-baby 5-bóligi boıynsha Porsche 911 Carrera GTS avtokóliginiń júrgizýshisi 15 AEK kóleminde aıyppul tóleıdi;
QR ÁQBtK-niń 612-baby 2-bóligi Porsche 911 Carrera GTS avtokóliginiń júrgizýshisi 20 AEK kóleminde aıyppul arqalady.