Olar Olımpıada oıyndarynda tóreshilik qyzmetin atqa alatyn bolady.
Tórt qazaqstandyq maman dzúdodan halyqaralyq dárejedegi tóreshi (“International”) ataǵyna ıe boldy, dep habarlaıdy Almaty-akshamy.kz Olympic.kz silteme jasap.
Almatyda Halyqaralyq dzúdo federasıasynyń (IJF) mamandarynyń qatysýymen dzúdodan jattyqtyrýshylar men tóreshilerge arnalǵan semınar máresine jetti. Semınar barysynda qatysýshylar bilimin tolyqtyryp, emtıhan tapsyrdy.
Tóreshiler emtıhannyń praktıkalyq bólimin Almatyda ótken jasóspirimder men jastar arasyndaǵy Azıa kýbogi aıasynda tapsyrdy.
Nátıjesinde tórt qazaqstandyq maman, atap aıtqanda, Kenjezarý Qashqynova, Varvara Maságına, Erlan Tajıkov jáne Baýyrjan Shadraımov emtıhannan sátti ótip, IJF halyqaralyq dárejedegi tóreshi ataǵyna ıe boldy.
Aıta keterligi, IJF International kategorıasy otandyq tóreshilerdiń IJF kúntizbesine sáıkes ótetin Gran-prı, Grand Slam, Masters jarystary men álem chempıonaty, sondaı-aq, Olımpıada oıyndarynda tóreshilik qyzmetin atqarýǵa múmkindik beredi.