2022 jylǵy qańtar-naýryzda et jáne taǵamdyq sýbónimder óndirisi 85,1 myń tonnany qurap, jylyna 4,9%-ǵa artqan.
Máselen, osy jyldyń sáýir aıynyń qorytyndysy boıynsha et pen qus eti aıyna 2%-ǵa jáne jylyna 14,8%-ǵa, shujyq ónimderi – aıyna 2,9%-ǵa jáne jylyna 13,8%-ǵa, shoshqa maıy, týrama, konserviler, kotletter, jartylaı fabrıkattar jáne ystalǵan et sıaqty et ónimderi aıyna 2,1%-ǵa jáne jylyna 13,6%-ǵa qymbattaǵan, dep habarlaıdy Almaty-akshamy.kz
«Bıyldyń alǵashqy úsh aıynda otandyq kásiporyndardyń etti qaıta óńdeý jáne konservileý, sondaı-aq et ónimderin óndirý kólemi 101,1 mlrd teńgeni quraǵan, bul ótken jyldyń sáıkes kezeńimen salystyrǵanda 28,8%-ǵa artyq», - deıdi sarapshylar.
2022 jylǵy qańtar-naýryzda et jáne taǵamdyq sýbónimder óndirisi 85,1 myń tonnany qurap, jylyna 4,9%-ǵa artqan. Onyń 18,1 myń tonnasy iri qara maldyń, usaq maldyń, shoshqanyń, jylqynyń jas nemese salqyndatylǵan etine tıesili, bul ótken jyldyń sáıkes kezeńimen salystyrǵanda 13,3%-ǵa artyq.
«Jańa pisken nemese salqyndatylǵan qus etin óndirý bir jylda 8,3%-ǵa ósip, 27,8 myń tonnany qurady. 2022 jylǵy qańtar-naýryzda etten, et tárizdes ónimderden nemese qannan daıyndalǵan jáne konservilengen ónimderdi shyǵarý 25,3 myń tonnany qurap, 7,6%-ǵa artty»,- delingen habarlamada.
Otandyq kompanıalar 2022 jyldyń qańtar-aqpan aılarynda et pen taǵamdyq sýbónimderge degen suranysty ótken jyldaǵydaı 92%-ǵa qamtamasyz etti. Bul rette, tikeleı qus eti segmentinde ózin-ózi qamtamasyz etý deńgeıi nebári 77,5%-dy qurady, qalǵany tıisinshe ımportqa tústi.
Et jáne et tárizdes taǵamdardan jasalǵan daıyn jáne konservi ónimderge suranysty qazaqstandyq kásiporyndar 64,4%-ǵa qamtamasyz etti, bul ótken jyldyń qańtar-aqpan aılarymen birdeı kórsetkish (64,9%). Shujyq ónimderine degen tikeleı suranysty jergilikti óndirýshiler bir jyl burynǵy 60,1% kórsetkishpen salystyrǵanda, 61,7%-ǵa jaba aldy.