Olardyń arasynda bir oqýshy - almatylyq.
«Eır Astana» áýekompanıasy 7 men 17 jas aralyǵyndaǵy daryndy mektep oqýshylary arasyndaǵy «Jas qyran» saıahat granty baıqaýynyń birinshi toqsanynyń qorytyndysyn shyǵardy, dep habarlaıdy Almaty-akshamy.kz QazAqparatqa silteme jasap.
Birinshi aıdyń jeńimpazy (sáýir) Aqtóbe qalasynyń 11 synyp oqýshysy Artýr Kım boldy, ol Gannoverde (Germanıa) halyqaralyq fızıka olımpıadasyna qatysý úshin áýe tasymaly quqyǵyn aldy. Artýr komandamen birge olımpıadada birqatar marapattardy ıelengen, Artýrdyń ózi qola medal enshiledi.
Ekinshi aıdyń (mamyr) jeńimpazy – Astana qalasynyń 8-synyp oqýshysy Dıana Tynyshtyq. Tamyz aıynda ol ákesimen birge Chehıanyń astanasy Pragada ótetin SUMMER PRAGUE OPEN 2023 serıasynyń shahmat týrnırine barady.
Maýsym aıynda qazylar alqasy tórt jeńimpazdy tańdady, sonyń ishinde:
1) Matveı Rybalkın, (Almaty)
2) Dará Motorova, (Aqtóbe qalasy)
3) Iana Kım (Qyzylorda)
4) Margarıta Nam (Qyzylorda).
Konkýrsqa tıisti túrde toltyrylǵan ótinimder, sondaı-aq konkýrs talaptaryna sáıkes usynylǵan qujattar jiberiledi.
Ótkizilip jatqan jarystardyń nemese baıqaýlardyń mártebesin qarastyrý kezinde erekshe mańyzdy.
Ótinimderdi 6 adamnan turatyn táýelsiz qazylar alqasy qaraıdy, onyń quramyna bilim, qaıyrymdylyq salasyndaǵy sarapshylar, sondaı-aq jýrnalıser kiredi. Jeńimpazdar kópshilik daýyspen anyqtalady.
Eske salaıyq, 2023 jyldyń kókteminde áýe kompanıasy 7 men 17 jas aralyǵyndaǵy daryndy qazaqstandyqtar arasynda «Jas qyran» baıqaýyn bastaǵan bolatyn. Baıqaý týraly erejege sáıkes, avıakompanıa jeke ótinimder negizinde aı saıyn «Eır Astana» kompanıalar tobynyń marshrýttyq jelisi boıynsha jol júrý granttaryn beredi. Týrısik grant – bul bir balaǵa jáne ony alyp júrýge arnalǵan adamǵa ekonom-klastaǵy tegin bılet.