6 shilde kúni saǵat 17:33-te JES-tegi №1 energobloktyń jumysy taǵy da toqtady.
3 shildede saǵat 17.31-de qazandyqqa kelip turǵan toqtyń kúrt ósýine baılanysty №1 energobloktyń (júkteme 133 MVt) jumysy toqtaǵan edi, dep habarlaıdy Almaty-akshamy.kz QazAqparatqa silteme jasap.
4 shildede saǵat 21:50-de № 1 energoblogy salqyndaǵannan keıin jóndeý jumystary bastaldy. Jóndeý jumystary táýlik boıy MAEK qyzmetkerleriniń kúshimen júrgizildi.
6 shildede «MAEK» JSHS JES №1 energobloktyń jóndeý jumystary aıaqtalyp, saǵat 05.51-de energoblok iske qosyldy.
Jóndeý jumystary sapaly jasalǵanymen, 6 shilde kúni saǵat 17.33-te JES-te №1 energoblokta taǵy da jumys toqtady. Qazirgi ýaqytta JES personaly energıa blogyn jóndeý úshin daıyndyq jumystaryn júrgizip jatyr.
Mańǵystaý oblysynyń turmystyq tutynýshylaryn elektrmen jabdyqtaýda, sonymen qatar eldi mekenderdi sýmen jabdyqtaýda shekteýler joq.
Jóndeý jumystaryn 9 shilde saǵat 24.00-ge deıin júrgizýge shuǵyl ótinim berildi.
Jóndeý jumystaryn 8 shilde 00.00-den keıin bastaý josparlanyp jatyr. Sebebi energıa blogynyń qazandyǵyn salqyndatý úshin 24 saǵattan astam ýaqyt qajet.