Alergıalyq reaksıalarǵa ushyraǵan adamdar úshin jazda birqatar qaýip bar.
Olardyń qataryna «Gazetoı.Ru»-ǵa bergen suhbatynda reseılik alergolog-ımmýnolog Lúdmıla Mahovaıa shóptesin ósimdikterdiń gúldeýin, maýsymdyq jemister men jándikterdiń shaǵýy kiretinin atady, dep habarlaıdy Almaty-akshamy.kz.
Ol maýsymnyń basynan shildeniń ortasyna deıin ártúrli shalǵyndy shópter (bıdaıyq, kópjyldyq úıbıdaıyq, qara bıdaı) belsendi túrde gúldeıtinin, sonyń saldarynan alergıasy bar adamdardyń pollınozy (nemese rınokonúnktıvıt) órshýi múmkin ekenin atap ótti. Shildeniń ortasynan qazan aıynyń ortasyna deıin, ıaǵnı, osy ýaqytta gúldeıtin oıranshóp, jýsan, jaryn jáne joljelkenniń alergıasy barlarǵa qaýipti bolýy múmkin.
Immýnolog Mahovaıanyń sózinshe, juqtyrý qaýpi joǵary táýekel tobyna shópter men gúldi ósimdikterdiń tozańyna sezimtaldyǵy joǵary adamdar kiredi.
Alergıamen aýyratyndardyń órshýiniń taǵy bir sebebi - últrakúlgin kún sáýlesimen sıntezdelgen fotodermatıt («kún alergıasy»). Eger buryn pasıenttiń terisine kún sáýlesi túsken kezde qyzarýy, qyshýy jáne bórtpe bolsa, últrakúlgin sáýlelenýdiń eń joǵary belsendiligi men kún sáýlesiniń áserin shekteý qajet — 11:00-den 18:00-ge deıin.
Budan basqa, ashyq kıim kıýden aýlaq bolý kerek jáne SPF deńgeıi joǵary kún qorǵanysyn qoldaný qajettiligin umytpaǵan jón.