Sanaly ǵumyryn adam densaýlyǵyna arnaǵan, durys tamaqtanýdy nasıhattaıtyn ǵalymnyń kanaly «TaǵamSaýlyq» dep atalady.
Qazaqstannyń densaýlyq salasynda aty ańyzǵa aınalǵan Tóregeldi Sharmanov óziniń YouTube kanalyn ashty, dep habarlaıdy Almaty-akshamy.kz
«Habar 24» saıtyna suqbat bergen bilikti ǵalym endi óz kórermenderine qundy aqyl-keńesterin aıtyp otyrady. Pandemıa kezinde densaýlyqty qalaı kútý kerek ekenin túsindiredi.
«Kelip, qushaqtap sálem berýdi qazaqtyń burynǵy salty dep esepteıdi. Sen jaqsy kórseń, dosyń bolsyn, týysyń bolsyn, qanshalyqty jaqsy kóresiń, jaqyndaryńnan sonshalyqty qashyqta bol deımin. Ornyń taza bolsyn, jeıtin tamaǵyń las bolmasyn. Las degen sóz betindegi kir emes, quramy sondaı paıdaly bolý kerek», - deıdi akademık.
Tóregeldi Sharmanov jas dárigerlerdi tárbıeleýge de atsalysyp otyr. Bıyl ol óz atymen atalatyn Halyqaralyq qor qurdy. Osylaısha, densaýlyq saqtaý salasynyń maıtalmany ǵalymdardyń koronavırýsqa qarsy kúreske qosqan úlesin atap ótýdi jón sanaıdy.