Qyzmetkerlerdiń turýy, keńse men úı-jaılaryn jalǵa alýy jáne t.b. barlyq shyǵyndary tolyǵymen BUU-nyń búdjetinen qarjylandyrylady.
Aýǵanstandaǵy ishki saıası ahýaldyń shıelenisýine baılanysty Birikken Ulttar Uıymy óziniń Aýǵanstanǵa járdem kórsetý jónindegi mısıasyn jáne AIR-da akkredıttelgen BUU-nyń basqa da agenttikterin Almaty qalasyna ýaqytsha ornalastyrý týraly Qazaqstanǵa ótinish bildirdi, dep habarlaıdy Almaty-akshamy.kz QR SİM baspasóz qyzmetine silteme jasap.
Qazaqstan men BUU-nyń jan-jaqty ózara is-qımyly rýhy sheńberinde jáne osy uıymnyń tolyq quqyqty múshesi retindegi mindettemeleri aıasynda Prezıdent Qasym-Jomart Toqaev BUU ótinishin qoldaý týraly sheshim qabyldady.
SİM Almaty Ákimdigi, quzyretti vedomstvolar jáne qyzmettermen birlesip, olardy ornalastyrý boıynsha jedel túrde qajetti sharalardy qabyldaýda. Kelgen qyzmetkerler halyqaralyq dıplomattar, BUU pasporttary men ımýnıtetteriniń ıegerleri bolyp tabylady.
Almatyda UNAMA jáne basqa da BUU agenttikteriniń keńselerin ornalastyrý jáne olardyń odan ári qyzmet etýi ýaqytsha, ıaǵnı Aýǵanstandaǵy jaǵdaı turaqtalǵanǵa deıin, shamamen jarty jylǵa sozylady dep kútilýde.