Almatynyń qoǵamdyq kólikterinde, adam kóp júretin kóshede de betperdesiz júrgenderdi jıi kóremiz. Bul - salǵyrttyqpen qatar, tártipke baǵynbaýdyń da belgisi.
Al Sıngapýr soty maska kımegen adamdy bir jarym aıǵa bostandyǵynan aıyrýǵa úkim shyǵardy, dep habarlaıdy Almaty-akshamy.kz COVID-19 taralýyna jol bermeý jónindegi VAK-tyń telegramdaǵy kanalyna silteme jasap.
Sıngapýr soty brıtandyqtardy qorǵanys maskasyn kıýden bas tartqany úshin alty aptaǵa bas bostandyǵynan aıyrdy. Er adam alǵash ret metroda betperdesiz júrip, kúzetshilerdiń eskertýlerin elemedi. Sonymen qatar ol aldyn ala sot otyrysy kezinde de maska kıýden bas tartty.
Japonıa Úkimeti Covid-19 saldarynan Tokıodaǵy tótenshe jaǵdaı rejımin 12 qyrkúıekke deıin uzartýǵa, sondaı-aq shekteýlerdi taǵy birneshe prefektýralarǵa keńeıtýge sheshim qabyldady. Bul týraly Japonıanyń ekonomıkany qalpyna keltirý mınıstri Iasýtosı Nıshımýra málimdedi.
Ótken aptada álemde 4,4 mıllıonnan astam adam koronavırýs juqtyrdy – bul aldyńǵy aptaǵa qaraǵanda 2% - ǵa kóp.
Sonymen qatar Malaızıada koronavırýstyq ınfeksıa boıynsha táýliktik antırekord jańartyldy – vırýsqa shaldyǵýdyń 22 242 jaǵdaıy tirkeldi.