Erkeǵalı Rahmadıev atyndaǵy Memlekettik akademıalyq fılarmonıa qazaqstandyq ánshi Tóreǵalı Tóreáliniń konserti ótpeıtinin rastady, dep habarlaıdy Almaty-akshamy.kz
«7 shildede Erkeǵalı Rahmadıev atyndaǵy memlekettik akademıalyq fılarmonıada Tóreǵalı Tóreáli men Ábdijappar Álqojanyń konserti ótedi dep josparlanǵan bolatyn. Keshe, 22 maýsymda konsertti uıymdastyrýshy konserttiń bolmaıtynyn habarlady. Demek bul konsert bizdiń zalda ótpeıdi», - dep habarlady fılarmonıanyń baspasóz qyzmeti.
Buǵan deıin qazaqstandyq ánshi mas kúıinde kólik júrgizgeni úshin sot sheshimimen ákimshilik jaýapqa tartylǵan bolatyn. Ol 7 jyl merzimge kólik quralyn basqarý quqyǵynan aıyryldy, 20 táýlikke qamaýǵa alý túrindegi ákimshilik jazaǵa tartyldy.
Budan ózge, ánshige qatysty QR Qylmystyq kodeksiniń 378-baby «Bılik ókilin qorlaý» boıynsha qylmystyq quqyq buzýshylyq faktisimen qylmystyq is qozǵaldy.
Ánshiniń qaryndasy Dına Tóreáli aǵasynyń ustalǵany týraly buǵan deıin aıtqan bolatyn.