Janjal jańa klıptiń túsirilimi barysynda shyqqan
"Beınebaıannyń túsirilimine kedergi jasady". Almaty oblysynyń Talǵar aýdanynda tergeý abaqtysynda otyrǵan ánshi Tóreǵalı Tóráli Ulttyq parkte belgisiz adamdy urýynyń sebebin osylaı túsindirdi, dep habarlaıdy Almaty-akshamy.kz Rolisia.kz-ke silteme jasap.
«Ýaqytsha ustaý ızolátorynda otyrǵan Tóreǵalı Tóreáli Kólsaıda bolǵan jaǵdaı boıynsha óz nusqasyn aıtty. Onyń sózinshe, janjal jańa klıptiń túsirilimi barysynda shyqqan. Jábirlenýshi olardan kózin almaı, jumysyna kedergi keltirgen. Ózara eregis sońy ánshiniń judyryq jumsaýymen aıaqtalǵan. Sondaı-aq áleýmettik jelige taraǵan vıdeodan ártistiń balaǵat sózder aıtqanyn ańǵarýǵa bolady.
Atalǵan quqyq buzýshylyq QR Qylmystyq kodeksiniń 293-baby «Buzaqylyq» boıynsha tirkelgen», - degen polısıa málimetinde.
Eske salaıyq, oqıǵa 28 qyrkúıekte Almaty oblysy Kegen aýdanyndaǵy Ulttyq park aýmaǵynda boldy. Áleýmettik jelide belgisiz jigit Tóreǵalı Tóráli onyń qabaǵyn jaryp, judyryqtaǵanyn jetkizgen edi. Qylmystyq is Sotqa deıingi tergep tekserý tiziliminde tirkeldi. Búgin ánshi tergeý abaqtysyna qamaýǵa alyndy.