Dástúrli sadaq atý jarysyna álemniń 32 elinen 135 sportshy qatysty
Búgin tizgin qaqqan IV Dúnıejúzilik kóshpendiler oıyndarynda Qazaqstan qorjyny alǵashqy medalmen tolyǵyp úlgerdi. Sadaqshy Qasymhan Qanat dástúrli sadaq atý jarysynda kúmis medal enshiledi, dep habarlaıdy Almaty-akshamy.kz.
Dástúrli sadaq atý jarysyna álemniń 32 elinen 135 sportshy qatysty. Erler arasynda úzdik 16 mergenniń tizimine Qazaqstannyń úsh ókili endi: Qasymhan Qanat, Álı Sessıgýzel jáne Azamat Nurtaev.
Qasymhan Qanat osy oıyndar tarıhynda tuńǵysh ret álemniń úzdik mergenderimen básekelese otyryp, fınalǵa joldama aldy. Sońǵy saıysta ol jarys qojaıyny – Oǵyz Oqshyǵa jol berip qoıdy. Sheshýshi kezeńde otandasymyz túrik sportshysynan nebári eki upaıǵa qalys qalyp, kúmis medal jeńip aldy. Bul marapat - Qazaqstan sportshylarynyń dástúrli sadaq atý jarysyndaǵy alǵashqy joǵary jetistigi.