17 mamyr – Qasym-Jomart Toqaevtyń týǵan kúni.
Prezıdent týǵan kúninde jumys isteıdi, dep habarlaıdy Almaty-akshamy.kz
Bul týraly Prezıdenttiń baspasóz hatshysy Rýslan Jeldibaı Facebook-tegi paraqshasyna jazdy.
«Prezıdenttiń baspasóz qyzmetine BAQ-tan memleket basshysy týǵan kúnin qalaı atap ótetini týraly suraqtar túsip jatyr. Osyǵan baılanysty eshqandaı is-shara josparlanbaǵanyn habarlaımyz. Prezıdent mundaı sharalardy qoldamaıdy. Memleket basshysy 17 mamyrdy jumys kestesine saı ótkizedi», - dep jazdy Prezıdent ákimshiligi basshysynyń orynbasary.
Sondaı-aq bul kúni Qasym-Jomart Toqaevtyń Qytaıǵa memlekettik sapary bastalatyny habarlanǵan.
«Qazaqstanda da, QHR-ǵa sapar aıasynda da Prezıdenttiń týǵan kúnine baılanysty eshqandaı is-shara ótkizilmeıdi», - dep atap ótti Rýslan Jeldibaı.