20-21 mamyrda Almatyda «Almatydaǵy zamanaýı bilim berý kúnderi» kásibı baǵdar berý festıvali ótedi. Bul – mamandyq tańdaý kezinde kóptegen suraqtar mazalaıtyn mektep pen kolej túlekteri úshin erekshe is-shara, dep habarlaıdy Almaty-akshamy.kz.
Festıvál alańdarynda bilim berý mekemeleriniń ókilderi Almaty qalasynyń turǵyndary men qonaqtaryna oqytýdyń ózekti baǵdarlamalary týraly aıtyp beredi. Sonymen qatar olar eńbek naryǵyndaǵy belgili bir kásip týraly túsindiredi, kásibı mansapty josparlaý boıynsha keńester beredi.
Festıválǵa qatysýshylardy kórmeler, túrli baǵyttar boıynsha sheberlik sabaqtary, tusaýkeserler, kóshe qoıylymdary men fleshmobtar kútedi. Sheberlik sabaqtarynda joǵary oqý oryndary men kolejderdiń ókilderi jastarǵa túrli kásipterdiń erekshelikterin túsindiredi, oqýǵa túsý úshin qansha bal jınaý kerektigin aıtady. Olar belgili bir oqý ornyna túsýge daıyndyq, belgili bir salada suranysqa ıe maman bolý úshin qandaı daǵdylar qajet ekendigi týraly usynystar beredi.
İs-sharaǵa Ulttyq testileý ortalyǵynyń sarapshylary da qatysady. Olar UBT jańalyqtary týraly túsinik jáne qalǵan kezeńde testileýge qalaı jaqsy daıyndalý kerektigi týraly keńester usynady.
Aıta keterligi, festıvál Panfılov jáne Jibek joly kóshelerinde ótedi. Jumys ýaqyty-10:00 - den 18:00-ge deıin. Oǵan kez kelgen adam bara alady.
Festıváldy uıymdastyrýshylar: «Zamanaýı bilim» jýrnalynyń redaksıasy men T. Júrgenov atyndaǵy QazUÓA.