Májilis Tóraǵasy parlamenttik dıplomatıa aıasyndaǵy jumystyń qorytyndylary týraly aıtty.
Memleket basshysy Májilis Tóraǵasy Erlan Qoshanovty qabyldady, dep habarlaıdy Almaty-akshamy.kz
Prezıdentke VIII saılanǵan Parlamenttiń tómengi palatasynyń qyzmeti týraly málimet berildi.
Erlan Qoshanovtyń baıandamasynan:
▪️sesıa bastalǵannan beri Májilis depýtattarynyń qaraýynda 75 zań jobasy boldy. Onyń 14-i qabyldanyp, Senatqa joldandy;
▪️qazirgi ýaqytta depýtattardyń qaraýynda onlaın-platformalar, zańsyz satyp alynǵan aktıvterdi qaıtarý, «Ulttyq qor – balalarǵa» bastamasyn júzege asyrý, qoǵamdyq baqylaý, turǵyn úı qatynastaryn jetildirý týraly zań jobalary bar;
▪️saılaýshylarmen jumystyń kúsheıtilgeni týraly aıtty. Azamattardy qabyldaý, komıtetterdiń salalyq jáne kóshpeli otyrystary turaqty ótkizilip turady. Depýtattar halyqtyń ózekti máselelerine qatysty saýaldardy jıi joldaı bastady;
▪️jýyrda 2022 jylǵy respýblıkalyq búdjettiń jumsalýy týraly Úkimettiń jáne Joǵary aýdıtorlyq palatanyń esebine qatysty qoǵamdyq tyńdalym ótedi;
▪️Májilis Tóraǵasy parlamenttik dıplomatıa aıasyndaǵy jumystyń qorytyndylary týraly aıtty;
▪️Májilis bıyl maýsym aıynda Qazaqstannyń tóraǵalyǵy aıasynda BUU qoldaýymen uıymdastyrylatyn Ortalyq Azıa elderi áıelderiniń dıalogynyń birinshi otyrysyn ótkizýge daıyndalyp jatyr.