Osynyń arqasynda qarsy baǵytta kele jatqan kólikterdiń shamdary júrgizýshilerge kedergi keltirmeıdi.
Respýblıkalyq mańyzy bar kúre joldarda qozǵalys qaýipsizdigin arttyrý úshin arnaıy jaryqty shaǵylystyratyn ekrandar ornatylýda, dep habarlaıdy Almaty-akshamy.kz
Jol qozǵalysy qaýipsizdigin arttyrý úshin jolshylar respýblıkalyq mańyzy bar M-32 "Samara-SHymkent" jáne A-2 "Almaty-Tashkent-Termez" avtojoldarynyń birqatar ýchaskesinde, sondaı-aq Kúıik jáne Qordaı asýlarynda 40 myńǵa jýyq arnaıy jaryqty shaǵylystyratyn plasınalardy ornatty. Qaýipsizdikti qamtamasyz etetin arnaıy qondyrǵylar Túrkistan jáne Jambyl oblystary aýmaǵynda ornatyldy.
Qondyrǵynyń basty artyqshylyǵy — qarama-qarsy baǵytta kele jatqan kólikterdiń shamdary júrgizýshilerge kedergi keltirmeıdi. Bul, ásirese, túngi ýaqytta qaýipsiz ári yńǵaıly. Qondyrǵy kópjolaqty joldarǵa ǵana ornatylady.
Aldaǵy ýaqytta dál osyndaı arnaıy jaryqty shaǵylystyratyn ekrandar kólik qarqyny joǵary “Almaty-Qorǵas” jáne R-7 “Býrabaı aýmaǵy” kúre joldarynda paıda bolady.