Memleket basshysyna Qor toby aktıvteriniń qunyn kóterý joldary týraly málimet berildi.
Prezıdent Qasym-Jomart Toqaev «Samuryq-Qazyna» AQ basqarma tóraǵasy Nurlan Jaqypovty qabyldady, dep habarlaıdy Almaty-akshamy.kz
Kezdesý barysynda «Samuryq-Qazyna» aksıonerlik qoǵamyn odan ári damytý perspektıvalary qarastyryldy.
Memleket basshysyna Qor toby aktıvteriniń qunyn kóterý joldary týraly málimet berildi. Atap aıtqanda, korporatıvtik basqarý esebinen portfeldi kompanıalardyń tıimdiligin arttyrý, «Tarıfti ınvestısıaǵa aıyrbastaý» baǵdarlamasyn iske asyrý, shaǵyn jáne orta bıznesti qoldaý jáne satyp alýlardyń ashyqtyǵy esebinen ımportty almastyrý, sondaı-aq sheteldik seriktestermen birlesip ınvestısıa quıý máseleleri qaraldy.
Sonymen qatar Prezıdentke Qor qyzmetiniń kútiletin nátıjesi, mańyzdy jobalar men jekeshelendirý baǵdarlamasynyń iske asyrylý barysy jóninde baıandaldy.
Kezdesý sońynda Qasym-Jomart Toqaev ınvestısıalyq jobalardy ýaqytyly iske asyrýǵa, Qordyń quramyndaǵy kompanıalar toby qyzmetiniń tıimdiligin jetildirýge qatysty naqty tapsyrmalar berdi.