Jalǵan vızamen qajylyqqa baryp, qamauǵa alynǵan 300-den astam qazaqstandyq bosatyldy – SÍM
Qajylyqqa barǵan júzdegen qazaqstandyq qamauǵa alyndy, onyń sebebí vıza jaramsyz bolǵan. Būl turaly Syrtqy íster mınıstrlígíníń resmı ókílí Aıbek Smadıyarov málím ettí, dep habarlaıdy Almaty-akshamy.kz.
«Syrtqy íster mınıstrlígíníń Djıdda qalasyndaǵy bas konsul atyna bízdíń azamattarymyzdan Saud Arabıyasyndaǵy polıtsıya bólímínde qamauda ekendígí turaly habar tústí. Ol boıynsha kómek kórsetíldí. Ūstalǵan qajylardyń barlyǵynda qajylyqqa jaramaıtyn turıstík vıza bolǵan. Bas konsul óz qyzmetkerlerímen bírge dereu polıtsıya bólímíne baryp, olardy bosatyp, qonaq úıge ornalastyruǵa kómektestí. Keıbír málímetterge sáıkes, Saud Arabıyasynyń aumaǵyna jalǵan vızamen 300-den astam azamat barǵan. Barlyq qajylardyń ornalasqan jerín baqylau múmkín emes bolmaı tūr. Sebebí, qamaudan bosatylǵannan keıín 100-den astam qajy bírneshe avtobuspen óz betínshe ketíp qalǵan», - dedí Aıbek Smadıyarov vedomstvoda ótken baspasóz máslıhatynda.
Eske salsaq, osydan bírer kún būryn qajylyqqa barǵan qazaqstandyqtardyń jalǵan vızamen ūstalyp, qamauǵa alynǵany turaly habar taraǵan edí. Bolǵan jaıtqa qatysty Qazaqstan mūsyldary dínı basqarmasy túsíník berdí.