Ózbekstan senaty maýsym aıynyń sońynda zańdy maquldady.
Ózbekstan prezıdenti Shavkat Mırzıeev Qazaqstanmen memleketaralyq shekarany demarkasıalaý týraly kelisimdi ratıfıkasıalaý týraly zańǵa qol qoıdy, dep habarlaıdy Almaty-akshamy.kz
Ózbekstan Qazaqstanmen shekarany demarkasıalaý týraly kelisimdi ratıfıkasıalaýdy aıaqtady. Respýblıkanyń ádilet mınıstrligi zańǵa Shavkat Mırzıóev qol qoıǵanyn habarlady.
Kelisimge Tashkentte 2022 jyldyń 22 jeltoqsanynda Qazaqstan prezıdenti Qasym-Jomart Toqaevtyń Ózbekstanǵa sapary barysynda qol qoıylǵan.
Naýryzda Qazaqstan prezıdenti qujatty ratıfıkasıalaý týraly zańǵa qol qoıdy. Ózbekstan senaty maýsym aıynyń sońynda zańdy maquldady.
"Prezıdent qol qoıǵan "Qazaqstan Respýblıkasy men Ózbekstan Respýblıkasy arasyndaǵy ózbek-qazaq memlekettik shekarasyn demarkasıalaý týraly kelisimdi ratıfıkasıalaý týraly" zańǵa sáıkes kelisim ratıfıkasıalandy", - dep jazylǵan Ózbekstan ádilet mınıstrliginiń Telegram-arnasyndaǵy habarlamada.
Buǵan deıin Ózbekstan senatynyń aqparat qyzmeti ózbek-qazaq shekarasyn aıqyndaý jónindegi kelisimniń jumysty tolyǵymen aıaqtalǵanyn, ony ratıfıkasıalaý eki el arasyndaǵy kóp qyrly yntymaqtastyq qarym-qatynastaryn odan ári nyǵaıtýǵa jáne keńeıtýge qyzmet etetinin habarlady.
Qazaqstan men Ózbekstan arasyndaǵy shekaranyń uzyndyǵy 2,3 myń shaqyrymnan asady. Taraptar shekarany belgileý boıynsha kelissózderdi 2003 jyly bastaǵan.