Óńirde 5,3 mıllıard teńgelik jobalar iske qosylǵan.
Memleket basshysy Mańǵystaý oblysynyń ákimin qabyldady, dep habarlaıdy Almaty-akshamy.kz Aqordaǵa silteme jasap.
Nurlan Noǵaev:
Mańǵystaý oblysynyń bıylǵy 7 aıdaǵy áleýmettik-ekonomıkalyq damý qorytyndylary jáne aldaǵy josparlary týraly baıandady;
óńirde jalpy somasy 5,3 mıllıard teńge bolatyn 6 ınvestısıalyq joba iske qosylǵanyn aıtty;
aýyzsý tapshylyǵyn sheshýge qatysty tapsyrmasynyń oryndalý barysy týraly málimdedi. Bul máseleni kezeń-kezeńimen sheshý úshin oblysta 2025 jylǵa deıin 6 joba júzege asyrylatynyn, sonyń nátıjesinde tushytylǵan sýdyń kólemin 146 myń tekshe metrge arttyrý múmkin bolatynyn jetkizdi;
Aqtaý qalasyndaǵy turǵyn úı-kommýnaldyq sharýashylyǵyn jetildirý jóninde aıtty;
Mańǵystaý atom energetıkalyq kombınatyna (MAEK) kúrdeli jóndeý júrgizý máseleleri týraly baıandady:
– MAEK-ke jóndeý jumystaryn júrgizý úshin bıyl 9,4 mıllıard teńge qarjy bólingen. Onyń ishinde 6,8 mıllıard teńge MAEK-tiń ınvestısıalyq baǵdarlamalary aıasynda, al 2,6 mıllıard teńge Mańǵystaý oblysy ákimdiginiń rezervinen bólingen;
– Prezıdenttiń tapsyrmasy boıynsha Úkimet rezervinen qajetti qondyrǵylardy satyp alý úshin 4,9 mıllıard teńge qarjy qarastyrylǵan.
Memleket basshysy oblys ákimine Mańǵystaý óńiri energetıkalyq júıesiniń úzdiksiz jumys isteýin qamtamasyz etýdi jáne óńirdiń áleýmettik-ekonomıkalyq damýynyń keshendi jospary aıasyndaǵy mindetterdi iske asyrýdy tapsyrdy.