Búgin tańǵy saǵat 07:13-te Almaty qalasy tótenshe jaǵdaılar departamenti kúshteri men quraldary Túrksib aýdany, İle tas joly, 15 mekenjaıyna shyqty, dep habarlaıdy Almaty-akshamy.kz.
Departament málimetinshe, alǵashqy órt sóndirý brıgadasy 7 mınýtta oqıǵa ornyna jetti. Kelgen sátte avtoshınalardy qaıta óńdeý sehynyń ǵımaratyn qatty tútin basyp, 200 sharshy metr aýmaq ashyq jalynmen janyp jatqany anyqtaldy.
«Kórshiles turǵan ottegi stansıasy bar ǵımaratqa órttiń taralý qaýpi týyndady. Janyp turǵan qarańǵy qoımadan kez kelgen mınýtta jarylýy múmkin jalpy kólemi 100 l eki ottegi balonyn shyǵardy»,- dep habarlady vedomstvodan.
Órt saǵat 08.07-de oqshaýlanyp, saǵat 08.25-te sóndirildi.
Qaıtys bolǵandar men zardap shekkender joq.
«Qabyldanǵan sharalardyń arqasynda sehtaǵy jabdyqtar, «TGB GROUP» JSHS ǵımaraty ottan qorǵaldy, sondaı-aq órt jańa avtoshınalarǵa taralýyna jol berilmedi. Qazir órttiń shyǵý sebebi anyqtalýda. Qazirgi tańda sý tógý jáne úıindilerdi jınaqtaý jumystary júrgizilýde»,- dep atap ótti vedomstvodan.
