8 359 adam grant ıelengen.
Joǵary oqý oryndaryna qabyldaý 2023 jyldyń 28 tamyzyna deıin jalǵasady, dep habarlaıdy Almaty-akshamy.kz Ǵylym jáne joǵary bilim mınıstrligine silteme jasap.
Magıstratýraǵa bilim berý granttaryn taǵaıyndaý jónindegi respýblıkalyq komısıanyń jumysy aıaqtaldy.
"Memlekettik grant ıegerleriniń tizimi búgin jarıalanady", - delingen vedomstvonyń habarlamasynda.
Bilim berý granttaryn taǵaıyndaý konkýrsyna qatysý úshin barlyǵy 14 612 adam qatysty. Onyń 8 359-y grant ıegeri atandy.
Mınıstrlikte memlekettik bilim granttary respýblıkalyq komısıanyń qorytyndysy boıynsha taǵaıyndalǵany atap ótildi. Onyń quramyna parlament depýtattary, mınıstrliktiń, múddeli memlekettik organdardyń, bilim berý salasyndaǵy kásipodaqtardyń, ulttyq kásipkerler palatasynyń jáne qoǵamdyq uıymdardyń ókilderi kirdi.
Magıstratýraǵa grant ıegerleriniń tizimi búgin mınıstrliktiń saıtynda jáne Telegram-arnasynda jarıalanady.