Memleket basshysy Básekelestikti qorǵaý jáne damytý agenttiginiń tóraǵasy Marat Omarovty qabyldady, - dep habarlaıdy Aqshamnews.kz tilshisi.
Prezıdentke «Ekonomıkany yryqtandyrý jónindegi sharalar týraly» Jarlyqty iske asyrý maqsatynda atqarylǵan jumys nátıjesi baıandaldy.
Marat Omarov Prezıdentke ne istelgenin aıtty:
- memlekettiń ekonomıkadaǵy úlesin azaıtý úshin 450-den asa kásiporyndy qamtıtyn tizim daıyndalǵanyn jetkizdi.
- Ulttyq jekeshelendirý keńsesi ázirlegen tizimdegi kompanıalardy básekelestik ortaǵa berý usynylady.
- negizgi taýarlar naryǵyndaǵy básekelestikti damytý jumystary aıasynda bırjalyq qyzmet zańnama talaptary men qazirgi naryqtyq saýda jaǵdaılaryna sáıkestendirilgenin aıtty.
- Búgingi tańda 3 taýar bırjasy jumys isteıdi, al Agenttikke atalǵan saladaǵy memlekettik baqylaý fýnksıalary berilgen sátte 22 bırja bolǵan edi.
- vedomstvonyń aldaǵy kezeńge arnalǵan jumys josparyn tanystyrdy.
Prezıdent ekonomıkanyń basty sektorlaryndaǵy básekelestikti damytýǵa, vedomstvo júrgizip jatqan tergeýler men tekserýlerge, sondaı-aq shaǵyn jáne orta bıznesti qorǵaýǵa baılanysty birqatar tapsyrma berdi.