Qazaqstan Prezıdenti Qasym-Jomart Toqaev 13-14 aqpanda Katarǵa memlekettik saparmen barady, dep habarlaıdy almaty-akshamy.kz.
Aqordanyń baspasóz qyzmeti 12 aqpanda habarlaǵanynda, sapar barysynda memleket basshysy Qatar Memleketiniń Ámiri sheıh Támım ben Hamad Ál Tánımen jáne Premer-mınıstri sheıh Muhammed ben Abdýlrahman Ál Tánımen kelissózder júrgizedi.
"Sondaı-aq Prezıdent qazaq-qatar ınvestısıalyq dóńgelek ústeline qatysady jáne osy eldiń bıznes kapıtandarymen birqatar kezdesý ótkizedi", - dep habarlady prezıdenttiń baspasóz qyzmeti.
2023 jyldyń qazan aıynda Qasym-Jomart Toqaev pen Katar Ámiri telefon arqyly sóılesip, seriktestik pen Qazaqstan-Katar yntymaqtastyǵyn keńeıtý máselelerin talqylady.