Iýrıı Borısovıch qazaq teatry men kınosynyń damýyna ólsheýsiz úles qosty
Memleket basshysy Qazaqstannyń Eńbek Eri, halyq artısi Iýrıı Pomeransevtiń qaıtys bolýyna baılanysty onyń jaqyndary men týystaryna kóńil aıtý jedelhatyn joldady, dep habarlaıdy Almaty-akshamy.kz.
Kóńil aıtý jedelhatyn QR Prezıdentiniń baspasóz hatshysy Berik Ýálı Facebook-tegi paraqshasynda jarıalady.
«Erekshe talantty akter, kórermenniń kózaıymy bolǵan tulǵa Iýrıı Borısovıch qazaq teatry men kınosynyń damýyna ólsheýsiz úles qosty. Ol bizge tereń maǵynaly, shynaıy sezimge toly erekshe týyndylardyń tutas shoǵyryn syılady. Iýrıı Pomeransevtiń ómiri men shyǵarmashylyq joly — ónerge degen adaldyq pen rıasyz qyzmettiń, patrıotızmniń, parasattylyq pen jomarttyqtyń úlgisi. Iýrıı Borısovıch halyqtyń súıispenshiligi men qurmetine bólengen tulǵa. Ol jas urpaqtyń dana tálimgeri boldy», – delingen jedelhatta.
Belgili qazaqstandyq akter Iýrıı Pomeransev 100 jasqa qaraǵan shaǵynda dúnıeden ozdy. Lermontov atyndaǵy teatr qaraly habardy rastady.
Iýrıı Borısuly - keńestik jáne qazaqstandyq teatr jáne kıno akteri, rejıser, Halyq ártisi jáne Qazaqstan Memlekettik syılyǵynyń laýreaty, Eńbek Eri, "Eńlik gúl" syılyǵynyń, "Sahnager" ulttyq teatr syılyǵynyń jáne "Altyn Adam" ulttyq syılyǵynyń ıegeri, Álemdegi alǵashqy balalar teatrynyń negizin qalaýshylardyń biri. Ol Sháken Aımanovtyń "Bizdiń súıikti dáriger" fılmi arqyly kópke keńinen tanymal.