Klınıkada 200-den joǵary bilikti mamandar jumys isteıdi
Qala basshysy Bostandyq aýdanyndaǵy mindetti medısınalyq saqtandyrý (MÁMS) júıesi boıynsha 18 myńǵa jýyq adamǵa qyzmet kórsetetin «Kerýen-Medicus» medısınalyq ortalyǵynyń jumysymen tanysty, dep habarlaıdy Almaty-akshamy.kz.
Halyqqa neırohırýrgıa, neıroreabılıtasıa, ýrologıa jáne t.b. qyzmet túrleri qoljetimdi, sondaı-aq ortalyq bosandyrý, pedıatrıa, hırýrgıa, mammologıa jáne t.b. baǵyttar boıynsha aqyly qyzmet kórsetedi.
Klınıkada 200-den joǵary bilikti mamandar jumys isteıdi, mekeme zamanaýı jabdyqtarmen, atap aıtqanda MRT, kompúterlik tomografıa, sáýlelik dıagnostıka jáne t.b. kabınettermen jabdyqtalǵan.
Erbolat Dosaev perzenthanada bolyp, bosanatyn áıeldi quttyqtady. Ortalyq ashylǵan sátten bastap (2008 j.) onyń qabyrǵasynda 7,5 myńǵa jýyq bala dúnıege keldi, 2022 jyldyń basynan bastap 170 qyz ben ul dúnıege keldi.
Ujymmen kezdesý barysynda Erbolat Dosaev medısınalyq ortalyq qyzmetteriniń joǵary sapasyn jáne densaýlyq saqtaý salasyna jeke ınvestısıalaýdyń mańyzdylyǵyn atap ótti.
«Aldaǵy 3 jylda qalamyzdyń densaýlyq saqtaý júıesiniń ınfraqurylymyn jańǵyrtý – meniń jumysymdaǵy basymdyqtardyń biri. Ókinishke oraı, sońǵy jyldary bizde barlyq zamanaýı standarttarǵa sáıkes keletin birde-bir jańa kópbeıindi aýrýhana paıda bolǵan joq. Biz jaǵdaıdy ózgerte alamyz dep oılaımyn, biraq bul úshin ýaqyt qajet. Aldaǵy úsh jylda júıeli jumys júrgizý qajet», – dedi qala basshysy.
Qazirgi ýaqytta «Kerýen-Medicus» medısınalyq ortalyǵynda anaǵurlym talap etiletin baǵyttardyń biri retinde bosandyrý qyzmetterin damytý jáne keńeıtý úshin jańa korpýstyń qurylysy júrgizilýde. 40 tósektik perzenthana qurylysy hırýrgıa, neırohırýrgıa, ortopedıa, travmatologıa jáne balalar hırýrgıasy sıaqty baǵyttar boıynsha klınıkanyń múmkindikterin keńeıtýge múmkindik beredi.
Jańa korpýstyń qurylysy aıaqtalǵannan keıin qosymsha 150 jumys orny ashylady. Nysandy 2023 jyldyń naýryz aıynda paıdalanýǵa berý josparlanǵan.
