Sarapshylar bul apat álemdik naryqtaǵy tapshylyqty kúsheıtip, munaı baǵasynyń ósimine yqpal etýi múmkin dep boljaıdy
Kaspıı qubyrlary konsorsıýmynyń arnaıy ekinshi jabdyq bóligindegi qubyrdaǵy zaqymdy qalpyna keltirý jumystary birshama ýaqytty alady. Aldynda súńgýirler arnaıy úshinshi jabdyqtan da osyndaı aqaýdy anyqtaǵan, dep habarlaıdy Almaty-akshamy.kz Zakon.kz-ke silteme jasap.
Kaspıı qubyrlary konsorsıýmy qara teńizdegi daýyldyń saldarynan arnaıy ekinshi jabdyq bóligindegi 9-shy jáne 13-shi tarmaǵyndaǵy qubyrǵa zaqym kelgenin habarlady.
«Júıedegi atalǵan aqaý kúrdeli bolyp sanalady. Osy oraıda qurylǵylardy qaýipsiz paıdalanýǵa múmkindik bermeıdi. Osyǵan baılanysty Kaspıı qubyrlar konsorsıýmy atalǵan jabdyqtardy paıdalanýdy ýaqytsha toqtatýǵa májbúr bolyp otyr», -delingen habarlamada.
Aýa raıynyń qolaısyzdyǵyna jáne tankerlerdi jýý qajettiligine baılanysty jóndeý jumystaryna biraz ýaqyt ketýi yqtımal ekendigi de aıtylady.
22 naýryzda daýyldan keıin jaǵalaýdan shyǵarylatyn qurylǵylardy tekserý kezinde arnaıy ekinshi jabdyq bóligindegi 9-shy jáne 13-shi tarmaǵyndaǵy qubyrǵa zaqym kelgeni anyqtalǵan. Osyǵan baılanysty jóndeý ári jýý jumystaryn júrgizý úshin AJB-3-tiń jumysyn toqtatý týraly sheshim qabyldandy.
Sarapshylar bul apat álemdik naryqtaǵy tapshylyqty kúsheıtip, munaı baǵasynyń ósimine yqpal etýi múmkin dep boljaıdy.
Qazaqstandyq kompanıalar konsorsıým aksıalarynyń 20,75%-na ıe, taǵy 31% - RF, qalǵandary LUKARKO, Shell, Exxon, Chevron, Mobil jáne basqa kompanıalarǵa tıesili. Kaspıı qubyrlary konsorsıýmy - otandyq munaı úshin negizgi eksporttyq baǵyt. Qubyr arqyly aıdalatyn "qara altynnyń" 80%-dan astamy Qazaqstannan jóneltiledi. Magıstraldyń jyldyq qýaty 67 mln tonna munaıdy quraıdy.