Kelisim Eýrazıalyq ekonomıkalyq odaq elderindegi kedendik tólemderdi bólýdi tekserý tártibin retteıdi
Memleket basshysy kedendik ákelý bajdaryn esepke alý jáne bólý, olardy EAEO-ǵa múshe memleketterdiń búdjetterine aýdarý tártibiniń saqtalýyna birlesken baqylaý sharalaryn ótkizý týraly kelisimdi ratıfıkasıalaý týraly zańǵa qol qoıdy, dep habarlaıdy Almaty-akshamy.kz.
Kelisim Eýrazıalyq ekonomıkalyq odaq elderindegi kedendik tólemderdi bólýdi tekserý tártibin retteıdi.
Qujat halyqaralyq shart deńgeıinde birlesken baqylaý sharalaryn júrgizý tártibin, kezeńderi men merzimderin, anyqtalǵan buzýshylyqtardy joıý tetigin, sondaı-aq aýdıtke qatysýshylardyń ózara is-qımylynyń uıymdastyrýshylyq máselelerin bekitýdi kózdeıdi, dep jazdy Zakon.kz.
Birlesken baqylaý sharalary mynalarǵa baǵyttalǵan:
- kedendik ákelý bajdarynyń bólinetin somalaryn múshe memlekettiń ýákiletti organynyń biryńǵaı shotyna esepke alý;
- múshe memleketterdiń ýákiletti organdarynyń múshe memleketterdiń búdjetteri arasynda bólýge jatatyn kedendik ákelý bajdarynyń somalaryn aýdarýynyń tolyqtyǵy men ýaqtylylyǵy;
- múshe memleketterdiń ýákiletti organdarynyń árbir múshe memleket úshin kedendik ákelý bajdarynyń somalaryn bólý úshin belgilengen normalardy saqtaýy.
Kelisimdi ratıfıkasıalaý Odaqtyń qyzmetin retteýdiń negizgi tetikteriniń biri retinde kedendik ákelý bajdarynyń (balama áseri bar basqa da bajdar, salyqtar men alymdar) somalaryn esepke alý jáne bólý tártibin jetildiredi dep kútilýde. Sondaı-aq búdjet qarajatynyń qozǵalysynyń zańdylyǵy men ýaqtylylyǵyn baqylaýdy qamtamasyz etedi.