Jerdi tańdaý kezinde seısmıkalyq belsendilik máselesi eskeriledi
Senat kýlýarynda Premer-Mınıstrdiń birinshi orynbasary Roman Sklár AES salynatyn oryn týraly naqty sheshim tehnıkalyq-ekonomıkalyq negizdemege sáıkes tańdalatynyn aıtty, dep habarlaıdy Almaty-akshamy.kz Zakon.kz-ke silteme jasap.
Jýrnalıser oǵan Túrkıadaǵy jer silkinisin mysalǵa keltire otyryp, "Almaty oblysy seısmıkalyq jaǵynan qaýipti dep esepteletindikten, AES salynatyn oryndy qaıta qaraý jospary bar ma?" degen suraq qoıdy. Spıker stansıany jobalaý jumysy birshama uzaq ýaqytqa sozylatynyn, sebebi bul nysan ónerkásiptik turǵydan qaýipti ekenin aıtyp, tıisti saraptamalar muqıat júrgiziletinine sendirdi.
"Aldymen tehnıkalyq-ekonomıkalyq negizdeme ázirlenedi, sodan keıin onyń qorytyndysy, qaraý nátıjeleri boıynsha jobalyq-smetalyq qujattar ázirlenedi. Eger tehnıkalyq-ekonomıkalyq negizdeme ony sol aýmaqqa salý orynsyz ekenin kórsetse, árıne, jobalyq-smetalyq qujattama bolmaıdy. Basqa oryn tańdalady. Qazir bul másele kún tártibinde turǵan joq, tek oryn tańdaý máselesi talqylanyp jatyr. Tehnıkalyq-ekonomıkalyq negizdeme ázirleý áli bastalǵan joq, sondyqtan oǵan áli erte", - dedi Roman Sklár.
15 aqpanda Qazaqstan Respýblıkasy Energetıka vıse-mınıstri Asqat Hasenov atom elektr stansıasyn salýǵa arnalǵan jerdi tańdaý kezinde seısmıkalyq belsendilik máselesi eskeriletinin aıtty.
6 aqpan kúni tańerteń Túrkıa men Sırıada kúshti jer silkinisi boldy. Terbelis magnıtýdasy 7,8 bal boldy. Alǵashqy jer silkinisinen keıin turǵyndar kem degende taǵy on shaqty jer silkinisin sezindi.