Daı Hoýlánmen kezdesý barysynda Prezıdent Qasym-Jomart Toqaev CNPC kompanıasy Qazaqstannyń munaı-gaz salasyndaǵy burynnan kele jatqan strategıalyq seriktesi ekenin atap ótti, dep habarlaıdy aqshamnews.kz
Memleket basshysy osy jyldar aralyǵynda kompanıamen joǵary deńgeıde yntymaqtastyq ornaǵanyna nazar aýdaryp, elimizdiń energetıka sektory úshin máni zor aýqymdy jobalardy birge atqarýǵa múddeli ekenin jetkizdi.
Áńgimelesý kezinde kómirsýtegin óndirý jáne óńdeý baǵytyndaǵy strategıalyq bastamalardy júzege asyrý máselesine den qoıyldy.
Prezıdent jyldyq qýaty 12 mıllıon tonnaǵa deıin jetetin Shymkent munaı óńdeý zaýytyn jańǵyrtý ózekti ekenin aıtty. Sondaı-aq gaz hımıasy óndirisin damytý perspektıvasyna toqtaldy.
Budan bólek, Aqtóbe oblysyndaǵy karbamıd zaýytynyń qurylysy jóninde pikir almasty. Atalǵan kásiporyn elimizdegi agroónerkásip kesheniniń órkendeýine tyń serpin beredi.