Orden eki el arasyndaǵy saıası, ekonomıkalyq jáne mádenı qatynastardy nyǵaıtýǵa qosqan aıryqsha úlesi úshin berildi.
Qazaqstan Prezıdenti Qasym-Jomart Toqaevtyń Jarlyǵymen Ázirbaıjan basshysy Ilham Álıev «Altyn Qyran» ordenimen marapattaldy, dep habarlaıdy Almaty-akshamy.kz Aqordaǵa silteme jasap.
«Qazaqstan Respýblıkasy men Ázirbaıjan Respýblıkasy arasyndaǵy ekijaqty saıası, ekonomıkalyq jáne mádenı qatynastardy nyǵaıtýǵa jáne damytýǵa qosqan aıryqsha úlesi úshin Ázirbaıjan Respýblıkasynyń prezıdenti Ilham Geıdar ogly Alıev «Altyn Qyran» ordenimen nagradtalsyn», - delingen Jarlyq mátininde.
Jarlyq qol qoıylǵan kúninen bastap qoldanysqa engiziledi.
Aıta keteri, «Altyn Qyran» ordeni - Qazaqstan Respýblıkasynyń joǵary dárejeli erekshelik belgisi.
Eske salsaq, Memleket basshysy Qasym-Jomart Toqaev búgin, 24 tamyzda, resmı saparmen Bakýge bardy. Bul Toqaevtyń Qazaqstan Prezıdenti retinde Ázirbaıjanǵa jasaǵan alǵashqy resmı sapary.