Almaty qalasy Áýezov aýdanynyń ákimi Saıran Saıfedenov aýdandaǵy jol ınfraqurylymynyń sapasyn arttyrý týraly Óńirlik komýnıkasıalar qyzmetiniń brıfıńinde aıtty, dep habarlaıdy Almaty-akshamy.kz Almaty qalasynyń Óńirlik komýnıkasıalar qyzmetine silteme jasap.
S. Saıfedenovtyń habarlaýynsha, uzyndyǵy 32,4 shaqyrym 23 kóshege jáne ótetin joldarǵa, onyń ishinde uzyndyǵy 16,9 shaqyrym jolǵa ortasha jóndeý jumysy qarqyndy júrgizilýde. 17 kóshe jáne ótetin joldar qazirdiń ózinde jóndeldi (52% oryndaldy). 2022 jyldyń qarashasyna deıin barlyq ýchastoktardaǵy jumystar aıaqtalady.
Bul rette uzyndyǵy 3,8 shaqyrymdy quraıtyn 15 ýchaskede jaıaý júrginshiler jolyn jóndeý josparlansa, búginde 13 ýchaske (87%) jóndeldi. Jumys aǵymdaǵy jyldyń qyrkúıek aıynyń sońyna deıin aıaqtalady.
Aýdan ákimi komýnaldyq sharýashylyq salasyndaǵy ahýal týraly aıtyp berdi.
«2020-2025 jyldarǵa arnalǵan «Nurly jer» baǵdarlamasy aıasynda turǵyn úılerdiń komýnaldyq qyzmetteriniń jaǵdaıyn jaqsartý qajet. 2022 jyly 190 lıft aýystyryldy, 12 lıft jumys isteıdi. Sondaı-aq, josparlanǵan 40 mln teńgege 8 kóp qabatty úıde qoǵamdyq aýmaqtardy jóndeý jumystary júrgizildi», - dedi aýdan ákimi.
Injenerlik ınfraqurylymdy damytýǵa qatysty aıta ketsek, Áýezov aýdany sýmen, gazben, elektrmen qamtý 100%, káriz jelilerimen 85% qamtamasyz etilgen.
Sonymen qatar, jelilerdi qaıta qurýdy qajet etetin birqatar problemalyq aımaqtar bar. Máselen, qala ákimi E.Dosaevtyń tapsyrmasy boıynsha sý qubyry jáne sýdan burý jelilerin salý jáne jańǵyrtýdyń jobalyq-smetalyq qujattamasy ázirlenýde. Bul jumystar "Dostyq", "Mamyr-4" shaǵynaýdandarynda 61,8 shaqyrym, Saın-SHalápın-Jandosov kósheleri - Qarǵaly ózeni kósheleriniń alańynda, sondaı-aq Arychnaıa, Yqylas, Zapadnaıa kósheleriniń boıynda júrgizilmek.
Bul jobalardy júzege asyrý 2000-nan astam abonentti sapaly sýmen jáne kárizben qamtamasyz etýge múmkindik beredi.